餐廳兩層高，環境舒適寬敞，瀰漫浪漫昏暗燈光，情調滿分！ 前菜點左焗韓式椰菜花 醬汁係自家製泡菜醬，令整個椰菜花變得不一樣，少少辣，勁惹味！ 慢煮24小時美國穀飼牛小排 迷你版牛小排，但有20安士，經過24小時慢煮，令肉質軟嫩無比，油脂均勻，食落牛味濃之餘，仲有少少焦香味，唔錯！ 鬼佬黯然銷魂飯 用左鴨胸整成叉燒，日本新紀元卵． 曉煎太陽蛋，再配搭Risotto，變成西式食法，特別得黎又好食！ 邪惡冰火布朗尼配自家製雪糕 暖笠笠嘅布朗尼配凍冰冰嘅雲呢拿雪糕，一冷一熱，食唔停口！